«ԵՐԱԺՇՏՈւԹՅՈւՆԻՑ` ՇԱՐԺՈւՄ». ՀԱՅԱՍՏԱՆԻ «ԲԱՐԵԿԱՄՈւԹՅՈւՆ» ՊԵՏԱԿԱՆ ԱՆՍԱՄԲԼ

Սիրելի´ հանդիսատես, 

Ժողովրդական երաժշտության և պարի ազգային կենտրոնի Հայաստանի «Բարեկամություն» պետական անսամբլը հանդես կգա նոր` «Երաժշտությունից շարժում» համերգային ծրագրով: 

Պարը ծնվում է երաժշտությունից: Երբ հնչում է մի մեղեդի, նրա ռիթմը արթնացնում է մարմինը, և շարժումը դառնում է զգացմունքի խոսք։ Պարը մարմնի արձագանքն է երաժշտությանը՝ անտեսանելիի տեսանելի դարձած լեզուն։ 

Ձեզ կներկայացվեն նոր պարային բեմադրություններն ու անսամբլի լավագույն ստեղծագործությունները մեկ ծրագրի` շքեղ համերգային երեկոյի ընթացքում: 

Անսամբլի գլխավոր բալետմայստեր` Զոհրաբ Բակալյան /ՀՀ մշակույթի նախարարության ոսկե մեդալակիր/

Պարախմբի փորձավար` Անի Մինասյան /ՀՀ ԿԳՄՍ նախարարության ոսկե մեդալակիր/

Պարուսույց` Մարինա Գրիգորյան /ՀՀ ԿԳՄՍ նախարարության ոսկե մեդալակիր/

ՀՈւԼԻՍԻ 15, 19:00

Երևան, Հայաստանի օպերայի և բալետի ազգային թատրոն

Տոմսերի արժեքը՝ 3000-12.000 դրամ