Փետրվարի 12-ին Երևանի «Առնո Բաբաջանյան» համերգասրահում կայացավ Ժողովրդական երաժշտության և պարի ազգային կենտրոնի Հայաստանի «Ակունք» ազգագրական համույթի մենահամերգը։ Համույթը մեկնարկեց հիմնադրման և ստեղծագործական գործունեության 50-րդ հոբելյանական համերգաշրջանը, որը կրում էր «Արվեստի հայկական հետքերով» խորագիրը։
Համերգային երկմասանի ծրագրում ներառված էին անսամբլի լավագույն կատարումները` հարսանեկան, աշխատանքային, սիրերգեր, պատմական, հայրենասիրական և քնարական երգեր:
